السيرة النبوية للأطفال .. الحلقة ٢٠

#السيرة_النبوية_للأطفال

🌙 الحلقة العشرون 🌙

🌛من سيرة الرسول للأطفال🌜

🌻كان يا ما كان و ما يحلى الكلام إلا بذكر النبي عليه الصلاة والسلام🌼
🌻ولادي حبايبي دايما لما بيسمعوا اسم سيدنا محمد يردوا🌼
🌻علطووووووول.....عليه الصلاة و السلااااااااااام🌼

🌻ممتازييييييييييييين🌼

🌼 بعد لما سيدنا محمد حط التراب فوق رأس الكفار ومشي وسابهم واقفين زي التماثيل

🌻وبعدين صحيوا لقوا شعرهم عليه تراب ....ولقوا لسه فيه حد نايم في السرير ...
🌼افتكره سيدنا محمد نايم ....
بس اكتشفوا المفاجأة اللي جننتهم !!!

🌻ده سيدنا علي هو اللي نايم ...
و ربنا خرج سيدنا محمد من غيرما يشوفوه ولا يحسوا بيه ...

🌼سيدنا محمد عليه أفضل الصلاة و السلام لما ساب بيته ...... راح لمين ؟؟؟

🌻راح لصاحبه ... سيدنا أبو بكر ....احنا كلنا بنجب سيدنا أبو بكر .... لأن سيدنا محمد كان بيحبه وكان صاحبه

🌼سيدنا أبو بكر كان بيجهز نفسه عشان يهاجر ...

🌻وكان بيتمنى إنه يهاجر مع سيدنا محمد ....

🌼وكان مجهز جملين أقويا عشان يسافروا بيهم ....

🌻سيدنا محمد قاله ربنا بعتلي سيدنا جبريل وأمرني أهاجر المدينة ...
سيدنا أبو بكر بقه فرحاااااااااااااان أوي

🌻لأنه هيهاجر مع سيدنا محمد اللي بيحبه أكتر إنسان في الدنيا .

🌼سيدنا محمد .... و سيدنا أبو بكر اتفقوا مع راجل من مكة إن يعرفهم طريق السفر ..
وسابوا معاه الجملين ....

🌻سيدنا محمد عليه الصلاة و السلام وسيدنا أبو بكر قبل ما يهاجروا ...... راحوا عند جبل بعيييد ....جبل اسمه جبل ثور ...

🌼ودخلوا جوة الغار ... فتحة جوة الجبل
فضلوا في الغار 3 أيام .... عشان كانوا عارفين إن الكفار هيدوروا عليهم في كل حتة

🌻طب بياكلوا إزاي ؟
أسماء.. أسماء بنت سيدنا أبو بكر ..
كانت ست شجاعة و قوية و مش بتخاف من الكفار ...
........ كانت بتجيب ليهم الأكل كل يوم ....

🌻الكفار الأشرار .... بقوا هيتجننوا .....إزاي سيدنا محمد هرب منهم ؟إزاي ما حسوش بيه ولا شافوه ؟ ....

🌼فضلوا يدوروا عليه في كل مكان ....
لغاية لما واحد قالهم إنهم ممكن يكونوا عند جبل ثور !
راحوا بسرعة عند جبل ثور ....

🌻سيدنا محمد و سيدنا أبو بكر جوة الغار .... و شايفين رجلين الكفار ...
سيدنا أبو بكر خاف لحسن يعرفوا مكان سيدنا محمد ....

🌼بس سيدنا محمد مكنش خايف ....

🌻لأنه عارف إن ربنا هينصره على الأشرار الكفار ...

🌼سيدنا محمد بص لسيدنا أبو بكر و قاله :
🌼ما ظنك باثنين الله ثالثهما ....
🌻يعني أوعى تخاف ...إحنا ربنا معانا ..إحنا الصح و إحنا الحق ...و ربنا هينصرنا ....

🌻الكفار واقفين جنب الغار ...و لو بصوا هيشوفوا سيدنا محمد ...
بس مين اللي خلق عقلهم و عينيهم ؟
ربنا

🌼وربنا اللي خلاهم ما يقدروش يفكروا ولا يشوفوا اللي حواليهم.....
و مشيوا و هما زعلانين لأنهم بقالهم 3 أيام بيدوروا على سيدنا محمد ....
ومش قادرين يلاقوه .....
ولا هيلاقوه ....

🌻عشان ربنا بينصر النبي و بينصر الحق ....

🌼و بيهزم الشر مهما كان قوي .
و خرج سيدنا محمد ....و سيدنا أبو بكر من الغار ....

🌻عشان يبدؤوا الرحلة ... للمدينة .....
يا تري هيحصل معاهم إيه في الرحلة دي ؟

🌼هنكمل بكرة إن شاء الله🌻

🌻اللهم صل علي سيدنا محمد
🌻🌼🌻🌼🌻🌼🌻🌼🌻🌼🌻
إقرأ 📚 وانشر 📬 تُؤْجَرْ

السيرة النبوية للأطفال .. الحلقة ١٩

#السيرة_النبوية_للأطفال

🌙 الحلقة التاسعة عشر 🌙

🌛من سيرة الرسول للأطفال🌜

🌻كان يا ما كان ....و ما يحلي الكلام إلا 🌼بذكر النبي عليه الصلاة و السلام
....... و طبعا الحلوين المتميزين
🌻هيردوا .....
🌼عليه الصلاة و السلام .

🌻سيدنا محمد عليه الصلاة و السلام و المسلمين الطيبين ....
🌼عرفوا إنهم خلاص هيهاجروا " يسافروا " من مكة للمدينة ...و هيبعدوا عن الكفار الأشرار..

🌻كل يوم ....شوية من المسلمين الطيبين 🌼يسيبوا مكة و يروحوا المدينة ....كل يوم شوية ..... كل يوم شوية .....

🌻لكن سيدنا محمد لسه ما هاجرش للمدينة .....
🌼ومش هيهاجر إلا لما ربنا يبعت ليه سيدنا جبريل عليه السلام ...عشان يقوله علي وقت السفر .....

🌻الكفار الأشرار بدؤوا يحسوا ..... إن 🌼المسلمين الطيبين بيسيبوا مكة و بيروحوا علي المدينة ....
🌻فقالوا لازم نتجمع حالا ....و نعمل
🌼خطة شريرة ...مش هنسيبهم يمشوا ...

🌻اتجمع الكفار الأشرار في بيت اسمه " دار الندوة " .... اسمه إيه؟؟
🌼"دار الندوة".....
وقعدوا يفكروا .....
🌻واحد كافر شرير ...قال : احسن حاجة نحبس النبي ....
🌼فرد عليه واحد تاني قاله : لأ ..أصحابه المسلمين الطيبين مش هيسيبوه محبوس ...هيجموا علينا .... و ينقذوه ....
🌻فكروا في حاجة تانية ....
فواحد كافر تاني قال : طب ما تسيبوه يمشي هو والمسلمين و يبعدوا عننا و خلاص ....
🌼فردوا عليه : لأ ما ينفعش ... ده اي حد بيشوفه بيحبه و يسمع كلامه ... و بقي 🌻عنده اصحاب كتير .... و هيبقوا كده اقوي مننا و هييجوا يحاربونا عشان إحنا عذبناهم كتير و ضايقناهم كتير ...

🌻أوحش واحد في الكفار ...اسمه أبو جهل قالهم: أنا ...أنا عندي فكرة ....أحسن حاجة نقتل الرسول ... نختار كل الشباب 🌼الأقويا من كل قبيلة (عيلة ) ... و نجمع كل الشباب الأقوياء و يهجموا علي بيت الرسول و يقتلوه ... و ساعتها أهل
🌻سيدنا محمد مش هيعرفوا يحاربوا كل الشباب الأقواء دول ولا هيقدروا يخدوا حق سيدنا مُحَمَّد🌼

🌻الكفار عجبتهم الفكرة .... و اتفقوا إن أول لما سيدنا محمد ينام .... الشباب
🌼الأقوياء هيدخلوا كلهم بالسيوف و يضربوه مع بعض

🌻ياااااه إيه كل الشر ده ......ده سيدنا 🌼محمد عليه الصلاة و السلام .... افضل إنسان في الدنيا
... و أطيب قلب ❤️
ومش بيؤذي أي إنسان ولا حيوان ولا حتي الشجر
🌻و نفسه يسمعوا كلامه عشان يبقوا ناس طيبة و أعمالهم كلها خير و رحمة و 🌼ربنا يحبهم و يدخلهم الجنة ...

🌻بس هما مفيش فايدة فيهم ...قلبهم كله شر .... و بيسمعوا كلام الشيطان ......😡
🌼الكفار كانوا فاكرين إن مفيش حد شافهم ولا سمع خطتهم ....
🌻لأنهم ما يعرفوش إن ربنا بيسمع و يرى كل حاجة إحنا بنعملها ..
🌼ربنا سمع كل كلامهم و شايف كل حاجة بيعملوها ....
🌻ومش هيخليهم يقدروا يؤذوا سيدنا محمد ....

🌻ربنا بعت الملاك سيدنا جبريل .... يحذر سيدنا محمد ...
🌼سيدنا جبريل قال لسيدنا محمد ...
أوعى تنام في سريرك النهاردة... الكفار 🌻عاملين خطة عشان يقتلوك ...
وقاله جه وقت الهجرة للمدينة

🌼مين اللي كان عايش مع سيدنا محمد في بيته ؟ ؟ ؟
.... سيدنا علي ...
🌻سيدنا علي كان ولد كبير ... بس كان مسلم طيب و قوي جدا و شجاع و مش بيخاف من حاجة ....
🌼سيدنا محمد قال لسيدنا علي إن الملاك جبريل حذره ...

🌻وكمان سيدنا محمد قال لسيدنا علي لو عندنا أي حاجة أمانة بتاعة أي حد في مكة لازم نرجعهاله قبل ما نروح المدينة ....

🌼سيدنا محمد في أصعب الأقات مش بيضيع حاجة الناس و بيردها ليهم حتي لو كانوا كفار .

🌻أتجمع الشباب الكفار الأقويا عند البيت بتاع سيدنا محمد ...
🌼عشان أول لما يطلع يصلي الفجر يهجموا عليه ....
🌻و كان معاهم سيوف كبيرة ...

🌼عارفين كانوا كام واحد؟؟؟
40 شاب قوي
.....بس ربنا أقوى منهم
🌻سيدنا علي لأنه كان ولد قوي و شجاع ومش بيخاف نام مكان سيدنا محمد في سريره
🌼و اتغطى بالغطى بتاع سيدنا محمد ....

🌻شباب الكفار بصوا من فتحة لقوا حد نايم على السرير ... افتكروه سيدنا محمد !!!!

🌼بس ده طبعا سيدنا علي القوي الشجاع نايم مكانه....

🌻سيدنا محمد عارف إنه هو الحق و الصح ...و عارف إن ربنا بيحبه و هيحميه .....

🌼سيدنا محمد خرج من بيته ....
ربنا خلى الكفار مش شايفين أي حاجة ...
و بقوا واقفين زي الأصنام ...

🌻ربنا هو اللي خلق عينيهم و ربنا يقدر يخليهم ما يشفوش أي حاجة ...
واقفين زي التماثيل و مش حاسين بحاجة ....

🌼وسيدنا محمد أخد تراب من الأرض .... وحطه على راسهم ....
🌻وهو بيقول من القرآن الكريم : بسم لله ...فأغشيناهم فهم لا يبصرون ....
يعني ربنا حط غطى على عينيهم خلاهم مش شايفين حاجة ....
🌼و مشى سيدنا محمد و سابهم واقفين زي التماثيل ....

🌻 هنشوف بكرة ان شاء الله  إيه اللي هيحصل بعد كده

🌻اللهم صل علي سيدنا محمد
🌻🌼🌻🌼🌻🌼🌻🌼🌻🌼🌻
إقرأ 📚 وانشر 📬 تُؤْجَرْ

السيرة النبوية للأطفال .. الحلقة ١٨

#السيرة_النبوية_للأطفال

🌙 الحلقة الثامنة عشر 🌙

🌛من سيرة الرسول للأطفال🌜

🌻كان يا ما كان و ما يحلى الكلام إلا بذكر النبي عليه الصلاة والسلام🌼
🌻ولادي حبايبي دايما لما بيسمعوا اسم سيدنا محمد يردوا🌼
🌻علطووووووول.....عليه الصلاة و السلااااااااااام🌼

🌻ممتازييييييييييييين🌼

🌻وبعد لما رجع الخزرج للمدينة ...و عرفوا أهلهم إن ربنا إختار النبي زي ما اليهود كانوا بيقولوا و علموا أهلهم الإسلام ....فبقوا كام مسلم؟؟ 12 مسلم🌼

🌻وبعد سنة كاملة اتقابلوا تاني في الحج ١٢راجل من المدينة قابلوا سيدنا 🌼محمد ... قابلوه فين ؟
...في مكان اسمه العقبة !🌼

🌻سيدنا محمد اتفق معاهم علي اتفاق ....اتفق معاهم على إيييييه؟؟؟
🌼سيدنا محمد قالهم أوعدوني انكم تعبدوا ربنا و بس ....
🌻ما تسرقوش  🌼وما تقتلوش
ولا تعملوا حاجة وحشة و لا تقولوا كذب أو شر وأوعوا ما تسمعوش كلام سيدنا محمد لو أمركم بخير🌼

🌻واللي هيعمل الاتفاق ده ربنا هيكتبله حسنات تدخله الجنة🌼
🌻الاتفاق ده سموه بيعة العقبة الأولى .... و اتفقوا يتقابلوا برضه بعد سنة .... في وقت الحج برضه🌼

🌻ال12 راجل اللي من المدينة وافقوا طبعا على الاتفاق...
🌼وكمان سيدنا محمد بعت معاهم مصعب ابن عمير
🌻عشان يعلمهم إزاي يقروا القرآن صح ....و يعلمهم الإسلام ..دين ربنا🌼

🌻مصعب ابن عمير سموه بعد كده "مقريء المدينة" عشان هو اللي علم أهل المدينة قراءة القرآن ... و المسلمين كلهم بيحبوه أوي🌼

🌻بعد لما عدت سنة ...
🌼جه وقت الحج ... وكل الناس راحت عشان تحج ....
🌻وكان في وسطهم المسلمين الطيبين من أهل المدينة
🌼عارفين بقوا كام واحد ؟؟
بقوا 73 مسلَّم🌼

🌻جايين عشان يحجوا برضه و يشوفوا سيدنا مُحَمَّد🌼

🌻بس كانوا مقررين قرار ... إيه هو؟

🌻اتفقوا إنهم مش هيسيبوا سيدنا محمد في مكة وسط الكفار اللي بيؤذوه و يضايقوه🌼
🌻فاتفقوا إنهم هايقابلوا سيدنا محمد في السر في نفس المكان اللي اسمه العقبة🌼

🌻كل الحجاج كانوا نايمين في الخيمة .....
🌼وقام المسلمين بشويش و راحوا عند العقبة عشان يقابلوا سيدنا محمد🌼

🌻قابلهم سيدنا محمد و كان معاه عمه العباس ....
🌼عمه العباس مكنش لسه مؤمن ...
🌻بس كان بيحب سيدنا محمد و بيدافع عنه ضد الأشرار الكفار🌼
🌻بس سيدنا العباس هيسمع كلام سيدنا محمد في الآخر ويبقى مسلم🌼

🌻المسلمين راحوا عند العقبة .... و قابلوا سيدنا محمد و عمه العباس🌼

🌻عم سيدنا محمد .... العباس أول واحد اتكلم و قالهم :
🌼أنا عارف إنكم بتحبوا سيدنا محمد ... وعايزينه يروحو معاكم المدينة🌻
🌻بس أنا عاوزكوا تعرفوا إنأنا كنت بحميه من الكفار الأشرار ... و لو مش هتقدروا تدافعوا عنه زي أقرب الناس ليكوا🌻
🌼يبقي خلاص خليه في مكة و بلاش يروح معاكم🌻

🌻وقف واحد من المسلمين و قال :
🌼هندافع عنه بأرواحنا .... و بكل قوتنا🌻

🌻سيدنا محمد .... قام .... و بدأ يكلم
🌼الناس .... عن الإسلام .... دين ربنا
🌻اللي فيه كل الخير لكل الدنيا
🌼واتفق معاهم علي اتفاق تاني:🌻

1- إنهم يعبدوا ربنا ..... ربنا بس🌻

2- إنهم يعملوا أوامر ربنا و يطيعوه🌻

3- يدفعوا فلوس للمساكين و الغلابة و يهتموا بيهم🌻

4- إنهم يعرفوا الناس إيه الخير و الصح ... عشان الناس تعمله ...
و يفهموا الناس إيه الحاجات الوحشة عشان يبعدوا عنها🌻

5- إنهم يتحركوا بسرعه لأي عمل أو طلب يرضي ربنا من غير ما يخافوا من أي حد🌻

6- إنهم يدافعوا عن دين ربنا ....الإسلام .... و يدافعوا عن النبي اللي ربنا أختاره🌼

🌻فوقف واحد من المسلمين و قال :
و الله .... هندافع عنك بكل قوتنا ! ... و هنفذ إتفاقنا🌼

🌻بس فيه واحد من المسلمين ...
🌼وقف و قال:

🌻يا مسلمين المدينة ...
🌼أعرفوا إن لو انتم عملتم الإتفاق ده ... وأخدتم سيدنا محمد معاكم للمدينة ...ودافعتم عنه🌻

🌻ساعتها كل أشرار الأرض هتحاربكم .... فلو مش هتستحملوا ... و هتخافوا...يبقي بلاش🌼

🌻لكن لو هتكونوا شجعان ...و عندكم قوة و صبر و استحمال خلاص يبقى خدوه معاكم .... و بكده هتبقى كسبتم في الدنيا و الآخرة كمان .🌼

🌼فرد المسلمين :

🌻كلنا هندافع عن سيدنا محمد بكل قوتنا ...ومش هيهمنا أي حد ...ولا هنخاف من أي حاجة🌼

🌼وبعدين بصوا لسيدنا محمد
🌻وسألوه :إحنا كده هيكون جزاءنا إيه ؟

🌻رد عليهم : ..الجنة ..

🌼فقالوا :مد إيدك ...

🌻وقاموا كلهم يسلموا علي سيدنا محمد ...
🌼وهما بيقولوا إنهم هيعملوا كل كلمة حصلت في الاتفاق ده ...

🌼والاتفاق ده كان اسمه بيعة العقبة التانية

🌻يا تري بقه سيدنا محمد هيسيب مكة ويروح المدينة إزاي ؟
🌼والكفار هيسيبوه ؟

🌻 هنشوف بكرة ان شاء الله  إيه اللي هيحصل بعد كده

💕اللهم صل علي سيدنا محمد ....
اللهم ارزقنا حبك و رضاك💕

🌻اللهم صل علي سيدنا محمد
🌻🌼🌻🌼🌻🌼🌻🌼🌻🌼🌻
إقرأ 📚 وانشر 📬 تُؤْجَرْ

السيرة النبوية للأطفال .. الحلقة ١٧

#السيرة_النبوية_للأطفال

🌙 الحلقة السابعة عشر 🌙

🌛من سيرة الرسول للأطفال🌜
🎈🎈🎈🎈🎈🎈🎈🎈🎈🎈🎈🎈🎈🎈🎈🎈🎈🎈

🌻كان يا ما كان و ما يحلى الكلام إلا بذكر النبي عليه الصلاة والسلام😀
🌻ولادي حبايبي دايما لما بيسمعوا اسم سيدنا محمد يردوا🌼
🌻علطووووووول.....عليه الصلاة و السلااااااااااام😍

🌻ممتازييييييييييييين👍

🌻11 سنة و الكفار بيؤذوا سيدنا
🌼محمد ....عليه الصلاة والسلام .😟....
🌻وبيعملوا كل الأفكار الشريرة عشان يضايقوا المسلمين😢

🌻لكن المسلمين ثابتين و اقويا ..💪.. و
🌼صابرين و مستحملين كل الأذى👍
....عارفين ليه؟🤔
🌼عشان المسلمين عارفين و متأكدين إنهم الصح🌼👍
🌻فمهما الكفار عملوا مش هيسمعوا كلامهم🌼
🌻وهيفضلوا يسمعوا كلام سيدنا 🌼محمد .❤❤❤❤❤❤... و يحبوه💝
عليه الصلاة و السلام🌼

🌻كل سنة كانت الناس تيجي مكة عشان تحج عند الكعبة ( سيدنا إبراهيم من
🌼زمااااان هو اللي علمهم الحج)
🌻كانت الناس اللي مش عايشة في
🌼مكة ... تدخل مكة .... و تروح عند الكعبة🕋 عشان تحج🌼

🌻وكان فيه بلد جميلة و أهلها طيبين ... 🌼اسمها المدينة 💞💞💞....
فاكرينها ؟؟؟؟🤔
🌼سيدنا محمد عليه الصلاة و السلام زارها زمااااان مع مامته ... و هناك شاف أخوات مامته😀

🌻اللي حصل إن شوية ناس من أهل المدينة سافروا مكة عشان يحجوا ....
🌼وراحوا عند الكعبة .🕋... كانوا كام واحد ؟؟؟ كانوا 6 رجالة🌼

🌻 و شافهم سيدنا محمد .... فسألهم : أنتم مين ؟
🌻ردوا و قالوا :احنا ناس من المدينة اسمنا الخزرج ( الخزرج ده اسم القبيلة .... و القبيلة يعني مجموعة ناس عايشة مع بعض)
👨🏼👨🏼🧑🏽🧑🏽👴🏿👨🏼👨🏼👱🏽‍♂🧑🏽
🌼سيدنا محمد سألهم :أنتم عايش جنبكم اليهود ؟
🌼ردوا و قالوا : أيوة
🌻فقالهم :طب ممكن تقعدوا أكلمكم ؟؟
فوافقوا وقعدوا ...
🌻سيدنا محمد عرفهم إنه النبي اللي 🌼ربنا اختاره عشان يعلم كل الناس إزاي يعبدوا
🌼ربنا ...و كمان قرأ لهم القرآن كلام ربنا❤❤❤❤

🌻الرجالة بصوا لبعض و قالوا :أيوة فعلا ! ..👍..
🌼احنا عارفين إن ربنا هيختار نبي ... احنا عرفنا من اليهود اللي عايشين معانا في المدينة ...
🌼وكل لما تحصل خناقة بينا و بين اليهود ..نلاقي اليهود يغيظونا .😡..و يقولوا إن ربنا هيختار نبي و إحنا
🌻اليهود هنسمع كلامه قبل كل الناس و هنحاربكوا و هنقتلكوا يا خزرج !!!😨
بس دلوقتي احنا عرفنا خلاص إن انت النبي اللي اليهود قالتلنا عليه و احنا 🌻هنسمع كلامك و هنؤمن بيك👍
وكمان لما نرجع المدينة هنقول لكل أهلنا 🌼إن خلاص ربنا اختار نبي .... و هنعلمهم كل الحاجات اللي قولتهلنا ..
🌻خلاص احنا عرفنا إن انت النبي و أنت أعز حد ندافع عَنْه
💝💝💝💝💝💝💝💝💝

🌻واتفقوا مع سيدنا محمد صل الله عليه وسلم إنهم هيتقابلوا تاني ... إمتى ؟؟🤔

🌼بعد سنة ...ياااااه كتير أوي ...
هيتقابلوا برضه وقت الحج🌼

🌻رجع الخزرج للمدينة ...و عرفوا أهلهم إن ربنا إختار النبي زي ما اليهود كانوا بيقولوا و علموا أهلهم الإسلام ....فبقوا كام مسلم؟؟ 12 مسلم🌼👍

💕اللهم صل علي سيدنا محمد ....
اللهم ارزقنا حبك و رضاك💕

🌻 وبكرة ان شاء الله هنشوف إيه اللي حصل بعد كده؟؟؟؟😍

🌻اللهم صل علي سيدنا محمد
💝💞💝💞💝💞
🌻🌼🌻🌼🌻🌼🌻🌼🌻🌼🌻

السيرة النبوية للأطفال .. الحلقة ١٦

#السيرة_النبوية_للأطفال

🌙 الحلقة السادسة عشر 🌙

🌛من سيرة الرسول للأطفال🌜
🎈🎈🎈🎈🎈🎈🎈🎈🎈🎈🎈🎈🎈🎈🎈🎈🎈🎈

🌻وما يحلي الكلام غير بذكر النبي🌼

وحبابيبي 🌻دايما بيقولوا .....عليه الصلاة و السلام🌼

ممتازين😍

🌼الكفار قالوا للرسول إزاي تروح وترجع في نفس اليوم .... طب قولنا دليل !🤔

🌻فسيدنا محمد قالهم ....
🌼في الطريق شوفت الناس اللي مسافرين لمكة و راكبين الجمال🐪
وفيه جمل ضاع منهم ...
🌼وأنا نبهتهم لمكانه ....
🌻وأنا عارف وصلوا لغاية فين...
🌼وكمان هما قربوا يوصلوا مكة
🌻وقدامهم جمل لونه قريب من الأسود ...و على راسه شرايط سودة وملونة🐪
🌻وكمان كان فيه ناس تانية نايمين .... فلما عطشت وقفت ...
🌼وشربت من الماية اللي جنبهم و غطتها تاني .

🌻فراحو بسرعة أهل مكة🕋 يستنوا الناس اللي كانت مسافرة على الجمال ..🤔..
🌼عشان يسألوهم
🌻أول لما وصل المسافرين ....
🌼أهل مكة استغربوا .😱..
🌻لقوا كلام سيدنا محمد صح
فعلا جمل لونه قريب من الأسود ماشي قدامهم و حاطين شرايط ملونة و سودة على راسه !!👍

🌼فسألوهم أنتم ضاع منكم جمل ؟🌻فالمسافرين قالوا أيوة ...😃
🌼بس سمعنا صوت حد بيعرفنا مكانه ولقيناه..

🌻فلما جه ناس تانية مسافرين
🌼برضه ....أهل مكة سألوهم ...
🌻قالوا أيوة إحنا نمنا جنب ماية متغطية .😃..
🌼و لما صحينا لقينها متغطية برضه ....
🌻بس الماية خلصت.

🌻رجع الكفار لسيدنا محمد ...
🌼وقالوا له إحنا فينا ناس راحت المسجد الاقصى قبل كده ...
🌻قولنا شكله إيه عشان نعرف إنت روحت فعلا ولا لأ ...🤔.

🌻سيدنا محمد فضل يوصفه بالتفصيل ...
🌼و ربنا خلي شكل المسجد يبقى قدامه عشان يعرف يرد على كل أسألتهم ...👍
🌻ففضل سيدنا محمد يوصف أبوابه و شكله و كل حتة فيه !!! ....

🌻ورجع سيدنا محمد بيته و جه جبريل 🌼وعلمه الوضوء و الصلوات الخمسة .
🌻والكفار رجعوا بيوتهم و بقوا هيتجننوا !! 😡
🌻إزاي سيدنا محمد عرف كل ده ؟؟🤔
وبقوا مستغربين ....
🌼عارفين مستغربين ليه ؟....
🌻عشان الكفار ما يعرفوش إن ربنا يقدر يعمل كل حاجة و أي حاجة🌼
🌻وإن ربنا هو اللي خلقهم و خلق عقولهم🌼
🌻ومهما فكروا بقدرة ربنا بعقلهم ....
🌼أكيد قدرة ربنا أكبر ....
🌻ما يعرفوش إن ربنا مجرد يقول " كن " ...كل شيء هيكون ...
🌼زي ما ربنا أراد.

💕اللهم صل علي سيدنا محمد ....
اللهم ارزقنا حبك و رضاك💕

🌻 وبكرة ان شاء الله هنشوف إيه اللي حصل بعد كده يا حلوين 💞🌹🌹🌹🌹🌹🌹🌹💞

🌻اللهم صل علي سيدنا محمد😍
🌻🌼🌻🌼🌻🌼🌻🌼🌻🌼🌻

السيرة النبوية للأطفال .. الحلقة ١٥

#السيرة_النبوية_للأطفال

🌙 الحلقة الخامسة عشر 🌙
🎈🎈🎈🎈🎈🎈🎈🎈🎈🎈🎈🎈🎈🎈🎈🎈🎈🎈
🌛من سيرة الرسول للأطفال🌜

🌻وما يحلي الكلام غير بذكر النبي🌼

وحبابيبي 🌻دايما بيقولوا .....عليه الصلاة و السلام🌼
ممتازين😃

🌼 إمبارح عرفنا إن سيدنا محمد هيروح مع جبريل رحلة المعراج يعني إيه المعراج⁉️🤔

🌻يعني ربنا هيطلعهم في السما
🌼ربنا خلق سبع سموات
🌻وكل النجوم والكواكب والشمس في سما الدنيا🌼
🌻والسموات التانية منعرفش عنها حاجة ربنا بس اللي يعرف كل حاجة🌼

🌻ربنا بيحب سيدنا محمد❤️
🌼وهيخليه يشوف و يتعلم حاجات محدش غيره هيشوفها ولا يعرفها🌻
🌻وسيدنا محمد هيعلمها لكل الناس👍

🌻طلعوا في أول سما ... لقوا ملايكة كتير مبتسمة و بتسلم علي سيدنا محمد

🌼ولقوا سيدنا آدم عليه السلام..... أول واحد ربنا خلقه .. يعني أبو البشر كلهم ... و سلم علي سيدنا محمد💕

🌻وصلوا تاني سما ....لقوا النبي عيسي عليه السلام... و النبي يحي عليه السلام ....سلموا عليهم 💕

🌼وصلوا تالت سما .... لقوا نبي شكله أجمل شكل .... ده النبي يوسف عليه السلام💕

🌻وصلوا رابع سما .....كان فيها النبي إدريس عليه السلام💕

🌼وصلوا خامس سما ....لقوا راجل شعره أبيض و دقنه بيضة ...
🌻بس مش عجوز أوي ....
🌼ده النبي هارون عليه السلام ...أخو موسي عليه السلام💕

🌻وصلوا سادس سما .... لقو النبي موسى عليه السلام... أخو هارون عليه السلام💕

🌼لغاية أخيرا ...سابع سما ....
🌻لقوا سيدنا إبراهيييييم عليه السلام 🌹🌹🌹🌹🌹🌹🌹🌹🌹...
🌼يااااه ده سيدنا إبراهيم اللي دعا ربنا أنه يختار نبي يعلم الناس كلها ...

🌻سيدنا إبراهيم رحب بسيدنا محمد و قاله :مرحبا بالابن الصالح ...و العبد الصالح💕

🌻بعد كده جبريل خلى سيدنا محمد يشوف الجنة .😃...
🌼وسيدنا محمد قالنا إن إحنا مش هنعرف نتخيلها ...
🌻لأنها هتكون دايما أحلى من كل أفكارنا 🎀🎀🎀🎀🎀🎀🎀🎀🎀...
🌼وإن لو إحنا عايزين أي حاجة في الجنة ....
🌻ربنا بيديهلنا و بتكون أحلى كمان👍
🌼(لهم مايشاؤون فيها ولدينا مزيد)
واحلى كمان من كل الصور❤️

🌻وبعدين طلعوا من الجنة ....
🌼وشافوا ملاك مش بيبتسم ابدا ...
🌻سيدنا محمد عرف إن ده ... اسمه مالك ... ملاك النار🔥

🌼وشاف النار و بيتعذب فيها الأشرار اللي كانوا بيعذبوا الطيبين المؤمنين 🌼في الدنيا و بيقتلوهم و يقتلوا أطفالهم و مش بيرضوا يسمعوا كلام ربنا ولا يصلوا لربنا😡😡

🌻ووصلوا لمكان اسمه سدرة المنتهى ...
🌳مكان يشبه الشجرة .... بس أوراقها كبيرة جدا جدا .....
🌻وهناك عند سدرة المنتهى ....
🌼سيدنا محمد سجد لربنا عشان ربنا 🌻اختاره أنه يكون الوحيد اللي يوصل للمكان ده ...
🌼وشكر ربنا و حمده .🌹🌹🌹🌹..
🌻ربنا قال لسيدنا محمد إن المسلمين يصلوا 50 صلاة🌼
🌻(ممكن ابنك يسألك ...هو سيدنا محمد شاف ربنا؟؟🤔 ... لأ سيدنا محمد ما شفش ربنا بعينيه🌼
🌻ربنا قال ... لا تدركه الأبصار وهو يدرك الأبصار وهو اللطيف الخبير)👍

🌻وبعدين سيدنا محمد رجع ...
🌼فشافه سيدنا موسى ... فسأله :
🌻ربنا أمرك تصلوا كام؟
🌼سيدنا محمد قالوا : 50 صلاة ...
🌻سيدنا موسى قاله : ارجع ...
🌼و أسأل ربنا ... ممكن يقللها ..
🌻فرجع سيدنا محمد و طلب من ربنا
🌼يقللها فربنا قللها 5 ....
🌻فبقت 45 صلاة .

🌻فرجع سيدنا محمد لسيدنا موسى ...
🌼فسيدنا موسى قاله يرجع لربنا تاني عشان يقللها كمان....
🌻فرجع لربنا و ربنا قللها كمان .... و فضلوا كد🌼

🌻لغاية لما ربنا خلاها 5 صلوات .❤❤❤❤❤❤..

🌼سيدنا موسى قال لسيدنا محمد❤️
🌻ارجع لربنا عشان يقللها كمان ....
🌼بس سيدنا محمد قالوا أنه ما يقدرش 🌻يطلب من ربنا أنه يقللها أكتر من كده ...

🌻لأن سيدنا محمد استحي (اتكسف) من ربنا .

🌻بس سيدنا محمد قالنا إن اللي هيصلي الخمس صلوات ربنا هيحسبهم كأنهم 50 صلاة🌼
🌻عشان ربنا بيحب اللي بيصلوا و عشان يدخلنا الجنة .....ياااارب💕

🌻ورجع سيدنا محمد لمكة ....
🌼كان لسه الدنيا ضلمة في مكة ... ولسه الفجر ما طلعش ...

🌻بعد ما سيدنا محمد صلى الصبح
🌼طلع عشان يحكي لأهل مكة على اللي حصل🕋

🌻طبعا بقوا مستغربين 😱...😱.
الكفار قالوا له :ده احنا عشان نروح أي مكان بنركب بالجمل...و بنفضل مسافرين شهر و بنرجع في شهر🐪
🌼إزاي تروح وترجع في نفس اليوم .🤔... طب قولنا دليل !

🌻 وبكرة ان شاء الله هنشوف إيه اللي حصل وازاي رد عليهم الرسول😍

💕اللهم صل علي سيدنا محمد ....
اللهم ارزقنا حبك و رضاك💕

🌻لللهم صل علي سيدنا محمد😃
🌻🌼🌻🌼🌻🌼🌻🌼🌻🌼🌻